- פרשת שבוע ותנ"ך
- ספר תהילים
לימוד השיעור מוקדש לעילוי נשמת
ר' אשר בן ר' שלום הי"ד
תהלים פרק פו
(א) תפלה לדוד הטה יהוה אזנך ענני כי עני ואביון אני: (ב) שמרה נפשי כי חסיד אני הושע עבדך אתה אלהי הבוטח אליך: (ג) חנני אדני כי אליך אקרא כל היום: (ד) שמח נפש עבדך כי אליך אדני נפשי אשא: (ה) כי אתה אדני טוב וסלח ורב חסד לכל קראיך: (ו) האזינה יהוה תפלתי והקשיבה בקול תחנונותי: (ז) ביום צרתי אקראך כי תענני: (ח) אין כמוך באלהים אדני ואין כמעשיך: (ט) כל גוים אשר עשית יבואו וישתחוו לפניך אדני ויכבדו לשמך: (י) כי גדול אתה ועשה נפלאות אתה אלהים לבדך: (יא) הורני יהוה דרכך אהלך באמתך יחד לבבי ליראה שמך: (יב) אודך אדני אלהי בכל לבבי ואכבדה שמך לעולם: (יג) כי חסדך גדול עלי והצלת נפשי משאול תחתיה: (יד) אלהים זדים קמו עלי ועדת עריצים בקשו נפשי ולא שמוך לנגדם: (טו) ואתה אדני אל רחום וחנון ארך אפים ורב חסד ואמת: (טז) פנה אלי וחנני תנה עזך לעבדך והושיעה לבן אמתך: (יז) עשה עמי אות לטובה ויראו שנאי ויבשו כי אתה יהוה עזרתני ונחמתני:
הלכות קבלת שבת מוקדמת
תכלת, שושנה, ופרץ שמחה, איך הכל קשור?
הקשר אל ה' – תפילה
הלכות תשעה באב שחל במוצאי שבת
איך מכניסים את ה' אל תוך הלב?
תחילת החורבן: ביטול קרבן התמיד
איך ללמוד גמרא?
השלמת התמונה
שימוש בתנור אחד לחלב ובשר
שלושה שותפים באדם
מדוע פורים גדול מכיפורים?