ישיבה - בשביל זה יש אינטרנט

דברי הימים א פרק יג

דף הבית בית מדרש תנ"ך תכני התנ"ך ספר דברי הימים א Bookmark and Share
גירסת הדפסה
שלח לחבר


דברי הימים א פרק יג




מוקדש לעלוי נשמת
ר' אשר בן ר' שלום הי"ד

(א) ויועץ דויד עם שרי האלפים והמאות לכל נגיד: (ב) ויאמר דויד לכל קהל ישראל אם עליכם טוב ומן יהוה אלהינו נפרצה נשלחה על אחינו הנשארים בכל ארצות ישראל ועמהם הכהנים והלוים בערי מגרשיהם ויקבצו אלינו: (ג) ונסבה את ארון אלהינו אלינו כי לא דרשנהו בימי שאול: (ד) ויאמרו כל הקהל לעשות כן כי ישר הדבר בעיני כל העם: (ה) ויקהל דויד את כל ישראל מן שיחור מצרים ועד לבוא חמת להביא את ארון האלהים מקרית יערים: (ו) ויעל דויד וכל ישראל בעלתה אל קרית יערים אשר ליהודה להעלות משם את ארון האלהים יהוה יושב הכרובים אשר נקרא שם: (ז) וירכיבו את ארון האלהים על עגלה חדשה מבית אבינדב ועזא ואחיו נהגים בעגלה: (ח) ודויד וכל ישראל משחקים לפני האלהים בכל עז ובשירים ובכנרות ובנבלים ובתפים ובמצלתים ובחצצרות: (ט) ויבאו עד גרן כידן וישלח עזא את ידו לאחז את הארון כי שמטו הבקר: (י) ויחר אף יהוה בעזא ויכהו על אשר שלח ידו על הארון וימת שם לפני אלהים: (יא) ויחר לדויד כי פרץ יהוה פרץ בעזא ויקרא למקום ההוא פרץ עזא עד היום הזה: (יב) ויירא דויד את האלהים ביום ההוא לאמר היך אביא אלי את ארון האלהים: (יג) ולא הסיר דויד את הארון אליו אל עיר דויד ויטהו אל בית עבד אדם הגתי: (יד) וישב ארון האלהים עם בית עבד אדם בביתו שלשה חדשים ויברך יהוה את בית עבד אדם ואת כל אשר לו:
חזרה למעלה

את המידע הדפסתי באמצעות אתר yeshiva.org.il