בית המדרש

  • פרשת שבוע ותנ"ך
  • ספר יונה
לחץ להקדשת שיעור זה

לימוד השיעור מוקדש לעילוי נשמת

ר' אשר בן ר' שלום הי"ד

יונה פרק ב

undefined

רבנים שונים

(א) וימן יהוה דג גדול לבלע את יונה ויהי יונה במעי הדג שלשה ימים ושלשה לילות: (ב) ויתפלל יונה אל יהוה אלהיו ממעי הדגה: (ג) ויאמר קראתי מצרה לי אל יהוה ויענני מבטן שאול שועתי שמעת קולי: (ד) ותשליכני מצולה בלבב ימים ונהר יסבבני כל משבריך וגליך עלי עברו: (ה) ואני אמרתי נגרשתי מנגד עיניך אך אוסיף להביט אל היכל קדשך: (ו) אפפוני מים עד נפש תהום יסבבני סוף חבוש לראשי: (ז) לקצבי הרים ירדתי הארץ ברחיה בעדי לעולם ותעל משחת חיי יהוה אלהי: (ח) בהתעטף עלי נפשי את יהוה זכרתי ותבוא אליך תפלתי אל היכל קדשך: (ט) משמרים הבלי שוא חסדם יעזבו: (י) ואני בקול תודה אזבחה לך אשר נדרתי אשלמה ישועתה ליהוה: (יא) ויאמר יהוה לדג ויקא את יונה אל היבשה:
את המידע הדפסתי באמצעות אתר yeshiva.org.il