בית המדרש

  • פרשת שבוע ותנ"ך
  • ספר תהילים
לחץ להקדשת שיעור זה

לימוד השיעור מוקדש לעלוי נשמת

ר' אשר בן ר' שלום הי"ד

תהלים פרק ה

undefined

רבנים שונים

(א) למנצח אל הנחילות מזמור לדוד: (ב) אמרי האזינה יהוה בינה הגיגי: (ג) הקשיבה לקול שועי מלכי ואלהי כי אליך אתפלל: (ד) יהוה בקר תשמע קולי בקר אערך לך ואצפה: (ה) כי לא אל חפץ רשע אתה לא יגרך רע: (ו) לא יתיצבו הוללים לנגד עיניך שנאת כל פעלי און: (ז) תאבד דברי כזב איש דמים ומרמה יתעב יהוה: (ח) ואני ברב חסדך אבוא ביתך אשתחוה אל היכל קדשך ביראתך: (ט) יהוה נחני בצדקתך למען שוררי הושר (הישר) לפני דרכך: (י) כי אין בפיהו נכונה קרבם הוות קבר פתוח גרנם לשונם יחליקון: (יא) האשימם אלהים יפלו ממעצותיהם ברב פשעיהם הדיחמו כי מרו בך: (יב) וישמחו כל חוסי בך לעולם ירננו ותסך עלימו ויעלצו בך אהבי שמך: (יג) כי אתה תברך צדיק יהוה כצנה רצון תעטרנו:
את המידע הדפסתי באמצעות אתר yeshiva.org.il