בית המדרש

  • פרשת שבוע ותנ"ך
  • ספר תהילים
לחץ להקדשת שיעור זה

לימוד השיעור מוקדש לעילוי נשמת

ר' אשר בן ר' שלום הי"ד

תהלים פרק פד

undefined

רבנים שונים

(א) למנצח על הגתית לבני קרח מזמור: (ב) מה ידידות משכנותיך יהוה צבאות: (ג) נכספה וגם כלתה נפשי לחצרות יהוה לבי ובשרי ירננו אל אל חי: (ד) גם צפור מצאה בית ודרור קן לה אשר שתה אפרחיה את מזבחותיך יהוה צבאות מלכי ואלהי: (ה) אשרי יושבי ביתך עוד יהללוך סלה: (ו) אשרי אדם עוז לו בך מסלות בלבבם: (ז) עברי בעמק הבכא מעין ישיתוהו גם ברכות יעטה מורה: (ח) ילכו מחיל אל חיל יראה אל אלהים בציון: (ט) יהוה אלהים צבאות שמעה תפלתי האזינה אלהי יעקב סלה: (י) מגננו ראה אלהים והבט פני משיחך: (יא) כי טוב יום בחצריך מאלף בחרתי הסתופף בבית אלהי מדור באהלי רשע: (יב) כי שמש ומגן יהוה אלהים חן וכבוד יתן יהוה לא ימנע טוב להלכים בתמים: (יג) יהוה צבאות אשרי אדם בטח בך:
את המידע הדפסתי באמצעות אתר yeshiva.org.il