ישיבה - בשביל זה יש אינטרנט

יחזקאל פרק ב

דף הבית בית מדרש תנ"ך תכני התנ"ך ספר יחזקאל Bookmark and Share
גירסת הדפסה
שלח לחבר


יחזקאל פרק ב




מוקדש לעלוי נשמת
ר' אשר בן ר' שלום הי"ד

(א) ויאמר אלי בן אדם עמד על רגליך ואדבר אתך: (ב) ותבא בי רוח כאשר דבר אלי ותעמדני על רגלי ואשמע את מדבר אלי: (ג) ויאמר אלי בן אדם שולח אני אותך אל בני ישראל אל גוים המורדים אשר מרדו בי המה ואבותם פשעו בי עד עצם היום הזה: (ד) והבנים קשי פנים וחזקי לב אני שולח אותך אליהם ואמרת אליהם כה אמר אדני יהוה: (ה) והמה אם ישמעו ואם יחדלו כי בית מרי המה וידעו כי נביא היה בתוכם: (ו) ואתה בן אדם אל תירא מהם ומדבריהם אל תירא כי סרבים וסלונים אותך ואל עקרבים אתה יושב מדבריהם אל תירא ומפניהם אל תחת כי בית מרי המה: (ז) ודברת את דברי אליהם אם ישמעו ואם יחדלו כי מרי המה: (ח) ואתה בן אדם שמע את אשר אני מדבר אליך אל תהי מרי כבית המרי פצה פיך ואכל את אשר אני נתן אליך: (ט) ואראה והנה יד שלוחה אלי והנה בו מגלת ספר: (י) ויפרש אותה לפני והיא כתובה פנים ואחור וכתוב אליה קנים והגה והי:
חזרה למעלה

את המידע הדפסתי באמצעות אתר yeshiva.org.il